1Jo 2 | Ndebele | STEP | Bantwanyana bami, ngilibhalela lezizinto, ukuze lingoni. Njalo loba ngubani nxa esona, siloMmeli kuYise, uJesu Kristu olungileyo ;

1 Bantwanyana bami, ngilibhalela lezizinto, ukuze lingoni. Njalo loba ngubani nxa esona, siloMmeli ^a kuYise, uJesu Kristu olungileyo ^b; 2 njalo yena uyinhlawulo yokuthula yezono zethu ^c; futhi kungeyisizo ezethu zodwa, kodwa lezomhlaba wonke ^d.

3 Langalokho siyakwazi ukuthi siyamazi, uba sigcina imilayo yakhe ^e. 4 Lowo othi ^f: Ngiyamazi ^g, futhi engagcini imilayo yakhe ^h, ungumqambimanga ⁱ, leqiniso kalikho kuye ^j; 5 kodwa lowo ogcina ilizwi lakhe ^k, ngeqiniso uthando lukaNkulunkulu luphelelisiwe kuye ^l. Ngalokho siyazi ukuthi sikuye ^m. 6 Lowo othi uhlala kuye ⁿ ufanele laye uqobo ahambe kanje, njengoba laye wahamba ^o.

Umlayo omutsha

7 Bazalwane, kangilibhaleli umlayo omutsha, kodwa umlayo omdala ^p, elalilawo kusukela ekuqaleni ^{q
,} ^r; umlayo omdala uyilizwi ^s elalizwayo kusukela ekuqaleni ^t. 8 Ngiphinda ngilibhalele umlayo omutsha ^u, into eliqiniso kuye, lakini ^v; ngoba ubumnyama ^w buyadlula ^x, lokukhanya kweqiniso sekukhanya ^y. 9 Lowo othi usekukhanyeni, futhi ezonda umzalwane wakhe, usemnyameni kuze kube lakhathesi ^z. 10 Othanda umzalwane wakhe, uhlala ekukhanyeni ^aa, njalo kakulasikhubo kuye ^ab. 11 Kodwa ozonda umzalwane wakhe usebumnyameni ^ac, njalo uhamba ebumnyameni ^ad, futhi kakwazi lapho aya khona, ngoba ubumnyama buwaphumputhekisile amehlo akhe ^ae. 12 Ngiyalibhalela, bantwanyana, ngoba izono zenu lizithethelelwe ngenxa yebizo lakhe ^af. 13 Ngiyalibhalela, bobaba, ngoba limazile yena okhona kusukela ekuqaleni ^ag. Ngiyalibhalela lina, majaha, ngoba limnqobile omubi ^ah. Ngiyalibhalela lina, bantwanyana ^ai, ngoba limazile uYise. 14 Ngilibhalele, bobaba, ngoba limazile okhona kusukela ekuqaleni ^aj. Ngilibhalele, majaha, ngoba lilamandla ^ak lelizwi likaNkulunkulu lihlala kini njalo limnqobile omubi ^al.

15 Lingawuthandi umhlaba loba izinto ezisemhlabeni ^am. Uba umuntu ethanda umhlaba, uthando lukaYise kalukho kuye ^an; 16 ngoba konke okusemhlabeni, inkanuko yenyama ^ao, lenkanuko yamehlo ^ap, lokuzigqaja kwempilo ^aq, kakuveli kuYise kodwa kuvela emhlabeni. 17 Lomhlaba uyedlula, lenkanuko zawo ^ar; kodwa owenza intando kaNkulunkulu uhlala kuze kube nininini ^as.

Ukufika komphikuKristu

18 Bantwanyana ^at, kuyisikhathi sokucina ^au; njalo njengalokhu lezwa ukuthi umphikuKristu uyeza ^av, lakhathesi abanengi sebengabaphikuKristu ^aw; ngalokhu siyazi ukuthi kuyisikhathi sokucina ^ax. 19 Baphuma kithi ^ay, kodwa babengesibo abakithi; ngoba uba babengabakithi, ngabe bahlala lathi ^az; kodwa baphuma ukuze babonakalise ^ba ukuthi kabasibo bonke abakithi ^bb. 20 Kodwa lina lilokugcotshwa ^bc okuvela koNgcwele ^bd, njalo liyazi izinto zonke ^be. 21 Kangilibhalelanga ngoba lingalazi iqiniso, kodwa ngoba liyalazi, njalo ngoba kakulamanga lakanye avela eqinisweni ^bf.

22 Ngubani ongumqambimanga ngaphandle kwalowo ophikayo ukuthi uJesu unguKristu ^bg? Yena ungumphikuKristu ^bh, ophika uYise leNdodana ^bi. 23 Wonke ^bj ophika iNdodana ^bk laye kalaye uYise ^bl; ovuma iNdodana ^bm uloYise laye ^bn. 24 Lina-ke elakuzwayo kusukela ekuqaleni kakuhlale kini ^bo. Uba kuhlala kini elakuzwayo kusukela ekuqaleni ^bp, lani lizahlala eNdodaneni lakuBaba ^bq. 25 Njalo yilesi isithembiso yena asithembisa sona, impilo elaphakade ^br.

26 Lezizinto ngalibhalela ngalabo abalikhohlisayo ^bs. 27 Lina-ke ukugcotshwa ^bt elakwemukela kuye kuhlala kini, njalo kalisweli ukuthi umuntu alifundise ^bu; kodwa njengoba lokhu ukugcotshwa kuyalifundisa ngakho konke ^{bv
,} ^bw, futhi kuqinisile ^bx, njalo kayisiwomanga, futhi njengoba kwalifundisa, lizahlala ^by kuye.

28 Khathesi-ke, bantwanyana, hlalani kuye; ukuze kuthi lapho ebonakala ^bz sibe lesibindi ^ca, singabi lenhloni ^cb phambi kwakhe ekufikeni kwakhe ^cc. 29 Uba lisazi ukuthi ulungile ^cd, liyazi ukuthi wonke owenza ukulunga uzelwe nguye ^ce.